જય સધી માતા, ૐ જય સધી માતા,
આરતી ગાતા તમારી, હૈયા હરખાતા,
ૐ જય સધી માતા લાખો દિવડા જળહળ બળતા,તેજ તણો નહીં પાર,
મૈયા તેજ તણો નહીં પાર, દિવ્ય અલૌકિક આભા, વિજળીનો ચમકાર,
ૐ જય સધી માતા મંગલકારી મુર્તિ તમારી, મંદિરમાં શોભે,
મૈયા મંદિરમાં શોભે, દર્શન કરવા તમારા, મન સૌનુ લોભે,
ૐ જય સધી માતા ઢોલ નગારા શરણાયુંને, ઝાલરનો ઝણકાર,
મૈયા ઝાલરનો ઝણકાર, મીઠા સૂર મોરલીના, કરતા એકાકાર,
ૐ જય સધી માતા અનેક રૂપે એક તમે છો, પરચા માઁ પુરનાર,
મૈયા પરચા માઁ પુરનાર, મહીમા તમારો મોટો, જગમાં જય જયકાર,
ૐ જય સધી માતા સચરાચરમાં વાસ કરો છો, માતા મમતાળી,
મૈયા માતા મમતાળી, સમરે વેલા આવો, કરવા રખવાળી,
ૐ જય સધી માતા ભવસાગરમાં ભટકેલાને, પલમાં માઁ તારે,
મૈયા પલમાં માઁ તારે, પાપી પાવન થાતા, માઁ તારા ઘ્વારે,
ૐ જય સધી માતા આદી અનાદી માત તમે છો, વેદોમાં વખણાતાં,
મૈયા વેદોમાં વખણાતાં, દેવો,દાનવ,માનવ,ગુણ તારા ગાતા,
ૐ જય સધી માતા અમી ભરેલી આંખોથી,માઁ અમૃત વરસાવો,
મૈયા અમૃત વરસાવો, સુના પડેલા જીવનમાં ખુશીયો લહેરાવો,
ૐ જય સધી માતા ફોરમતા ફુલડાનો હું તો, ફુલગજરો લાવું,
મૈયા ફુલગજરો લાવું, હૈયાના હેતેથી માઁ તમને પહેરાવું,
ૐ જય સધી માતા શ્વાસે શ્વાસે સમરણ કરતો, અતુલ તમારો દાસ,
મૈયા અતુલ તમારો દાસ, ભક્તોને દર્શન આપો, પુરણ કરો માઁ આશ,
ૐ જય સધી માતા જય સધી માતા, ૐ જય સધી માતા,
આરતી ગાતા તમારી, હૈયા હરખાતા, ૐ જય સધી માતા, ૐ જય સધી માતા,
ૐ જય સધી માતા, ૐ જય સધી માતા, ૐ જય સધી માતા.
બોલીએ સધી માતકી જય…
