મોગલ માઁ ની આરતી

જય મોગલ માતા, ૐ જય મોગલ માતા, આરતી ગાતા તમારી, હૈયા હરખાતા,

ૐ જય મોગલ માતા લાખો દિવડા જળહળ બળતા,તેજ તણો નહીં પાર,

મૈયા તેજ તણો નહીં પાર, દિવ્ય અલૌકિક આભા, વિજળીનો ચમકાર,

ૐ જય મોગલ માતા મંગલકારી મુર્તિ તમારી, મંદિરમાં શોભે,

મૈયા મંદિરમાં શોભે, દર્શન કરવા તમારા, મન સૌનુ લોભે,

ૐ જય મોગલ માતા ઢોલ નગારા શરણાયુંને, ઝાલરનો ઝણકાર,

મૈયા ઝાલરનો ઝણકાર, મીઠા સૂર મોરલીના, કરતા એકાકાર,

ૐ જય મોગલ માતા અનેક રૂપે એક તમે છો, પરચા માઁ પુરનાર,

મૈયા પરચા માઁ પુરનાર, મહીમા તમારો મોટો, જગમાં જય જયકાર,

ૐ જય મોગલ માતા સચરાચરમાં વાસ કરો છો, માતા મમતાળી,

મૈયા માતા મમતાળી, સમરે વેલા આવો, કરવા રખવાળી,

ૐ જય મોગલ માતા ભવસાગરમાં ભટકેલાને, પલમાં માઁ તારે,

મૈયા પલમાં માઁ તારે, પાપી પાવન થાતા, માઁ તારા ઘ્વારે,

ૐ જય મોગલ માતા આદી અનાદી માત તમે છો, વેદોમાં વખણાતાં,

મૈયા વેદોમાં વખણાતાં, દેવો,દાનવ,માનવ,ગુણ તારા ગાતા,

ૐ જય મોગલ માતા અમી ભરેલી આંખોથી,માઁ અમૃત વરસાવો,

મૈયા અમૃત વરસાવો, સુના પડેલા જીવનમાં ખુશીયો લહેરાવો,

ૐ જય મોગલ માતા ફોરમતા ફુલડાનો હું તો, ફુલગજરો લાવું,

મૈયા ફુલગજરો લાવું, હૈયાના હેતેથી માઁ તમને પહેરાવું,

ૐ જય મોગલ માતા શ્વાસે શ્વાસે સમરણ કરતો, અતુલ તમારો દાસ,

મૈયા અતુલ તમારો દાસ, ભક્તોને દર્શન આપો, પુરણ કરો માઁ આશ,

ૐ જય મોગલ માતા જય મોગલ માતા, ૐ જય મોગલ માતા,

આરતી ગાતા તમારી, હૈયા હરખાતા, ૐ જય મોગલ માતા, ૐ જય મોગલ માતા,

ૐ જય મોગલ માતા, ૐ જય મોગલ માતા, ૐ જય મોગલ માતા.

બોલીએ મોગલ માતકી જય…

Download Mogal Maa Ni Aarti PDF